Thursday , September 21 2023
road closed

Daan mula Obando ipinasara ng Valenzuela gov’t

IPINASARA ng pamahalaang lungsod ng Valenzuela ang ilang mga kalsadang dinaraanan ng garbage trucks at mga pampublikong sasakyan mula Obando, Bulacan dahil sa kawalan ng koordinasyon ng Obando Municipal Hall sa ipinapatupad na re-routing scheme.

Sa opisyal na pahayag ng pamahalaang lungsod ng Valenzuela, isinara ng pamahalaang bayan ng Obando, Bulacan ang kahabaan ng JP Rizal Road mula Brgy. San Pascual hanggang Paliwas dahil sa ginagawang pagkukumpuni.

“Ngunit nagkaroon ng kakulangan sa pagpaplano sa mga alternatibong daanan. Ang kanilang (Obando) solusyon, gamitin ang mga kalsada ng Wawang Pulo at Balangkas sa Valenzuela bilang alternatibong ruta at kanilang pinagpasyahan nang walang pagsasaalang-alang at walang koordinasyon sa pamahalaang lungsod ng Valenzuela,” ayon sa pahayag ng lungsod sa ilalim ni Mayor Rex Gatchalian.

Dahil dito, isinara ng Valenzuela ang naturang mga kalsada upang hindi makadaan ang garbage trucks, pampasaherong jeep, tricycle at pedicab na walang ‘supervision permit’ na manggagaling at patungo sa Obando.

Ikinatuwiran ng Valenzuela na magiging sanhi ito ng pagdami ng sasakyan na daraan sa makikipot na kalsada na magdudulot ng pagbubuhol ng trapiko; panganib sa kalusugan ng mga residente sa pabalik-balik na mga trak ng basura; panganib sa mga batang mag-aaral na tumatawid; at makaaapekto sa kabuhayan ng mga miyembro ng asosasyon ng pedicab at TODA ng lungsod ng Valenzuela ang pagpasok ng ibang pampasaherong sasakyan.

Maglalagay ng barikada at traffic enforcers sa naturang hangganan ng Valenzuela at Obando, Bulacan ang pamahalaang lungsod upang ipatupad ang desisyon.

( JUN DAVID )

About Jun David

Check Also

DOST XII holds 3-day celebration for RSTW

DOST XII holds 3-day celebration for RSTW

THE Department of Science and Technology (DOST) Region XII celebrated for three days from Sept. …

My Plantito Kych Minemoto Michael Ver

My Plantito fan meet dinaluhan ng mga Pinoy BL community at iba pang tagapagtangkilik

NAGKAROON ng pagkakataon ang mga masugid na tagapanood ng kauna-unahang BL (Boy-Love) na serye ng …

Aiko Melendez Eddie Garcia

Aiko dapat nang ipasa ang ‘Eddie Garcia’ bill 

HINIMOK ni Quezon City Councilor Aiko Melendez ang Senado na ipasa ang tinatawag na “Eddie Garcia” bill, …

Domingo de Dolores Pakil, Laguna Sun Ring Rainbow

Sa Pakil, Laguna
IKA-235 PAGDIRIWANG NG DOMINGO DE DOLORES MGA DEBOTO GINULAT NG MALA-KORONANG SINAG NG ARAW

PINAG-ALAB ang pananampalataya ng mga deboto nang sila’y gulatin ng mala-koronang sinag ng araw na …

fire sunog bombero

International school sa QC, nasunog

SA kalagitnaan nang isinasagawang fire drill, biglang lumiyab ang apoy sa Starland International School (SIS) …

Leave a Reply

Your email address will not be published. Required fields are marked *