Pedicab, kuliglig, trike bawal na ngayon sa Maynila
NGAYONG araw ay tuluyan na raw ipagbabawal ang mga pedicab, kuliglig at trike sa Maynila.
Papalitan daw ito ng e-Trike. Kaya lahat ng mga naghahanapbuhay gamit ang nasabing tatlong sasakyan ay bibigyan daw ng pagkakataon na makakuha o umutang ng e-Trike.
Swak agad!
Mukhang nakaamoy tayo na “for income generating project” ng kung sino mang ‘henyong’ nakaisip na imungkahi ‘yan kay Erap.
Para raw maging malinis at maayos ang Maynila, kailangan tanggalin na ‘yang mga pedicab, kuliglig at tricycle…
Ang kalesa kaya? Ipatatanggal din?
Gusto pala nang maayos at malinis na Maynila, e bakit ‘yung napakabahong illegal terminal sa Lawton hindi maipatanggal?!
Unahin kaya ninyo ang paligid ng city hall na hindi maintindihan kung ano ang itsura.
Sa toto lang ha, kapag nagpunta kayo riyan sa city hall, nakapapagal. Samot-samot ang mga nakaharang sa bangketa.
Kaya ang pedestrian at motorista ay nag-aagaw sa kalsada.
Ay sus!
Linisin ninyo ang paligid ng Manila city hall!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
[divider]
