NAGING isyu ang baby ni Nadine Samonte dahil inaangkin ng isang gay na anak niya ito sa kanyang social media account. Nag-iilusyon ang bakla na may anak siya at ginamit ang larawan ng anak ni Nadine.
Bagamat biktima ng identity theft ang baby ni Nadine, magsilbing leksiyon din sa mga magulang sa walang awat sa pagpo-post ng picture ng kanilang baby sa social media. Nasa kanila na rin kung paano bigyan ng poteksiyon ang kanilang mga anak at limitahan ang mga larawan ng mga ito sa publiko.
Matatandaan noon na nagdemanda pa nga si Claudine Barretto sa walang permiso na paglalathala sa larawan ng kanyang anak bilang proteksiyon sa baby.
Sa panahong ito na maraming manloloko kaya dapat talagang mag-ingat.
TALBOG – Roldan Castro
