PATAY ang isang ginang na hinihinalang sangkot sa droga makaraan kaladkarin palabas ng kanilang bahay at pinagbabaril ng hinihinalang mga miyembro ng vigilante group na Caloocan Death Squad kahapon ng madaling-araw.
Hindi na umabot nang buhay sa Jose Reyes Memorial Medical Center ang biktimang si Emily Cabangot, 42, tubong Davao City at nangungupahan sa Tiera Nova Main, Brgy. 171, Bagumbong Dulo ng nasabing lungsod.
Sa imbestigasyon ni PO3 Marlon Albalate, dakong 1:00 am pinasok ng hindi nakilalang mga suspek ang bahay ng biktima, kinaladkad siya palabas at pinagbabaril.
( ROMMEL SALES )
