NATAGPUANG patay ang isang Chinese national at tatlong hinihinalang Taiwanese nationals sa dalawang bayan ng Pampanga nitong Martes ng umaga.
Bandang 6:30 a.m. nang makita ng isang magsasaka ang bangkay ng isang babae at dalawang lalaki sa madamong bahagi ng megadike sa Brgy. Dolores, Bacolor, Pampanga.
Nakabaon ang kalahati ng katawan ng isang bangkay, naka-packaging tape ang mga paa at hinihinalang may mga tama ng bala sa ulo. May tama rin ng bala sa ulo ang kanyang mga kasama.
Habang bandang 9:00 am nang matagpuan ang bangkay ng Chinese national na kinilalang si Michael Chen, 40, sa loob ng kanyang SUV na nakaparada sa MacArthur Highway sa bahagi ng bayan ng San Fernando, Pampanga.
Patuloy ang imbestigasyon ng Scene of the Crime Operatives (SOCO) at pulisya ng San Fernando.
ni RAUL SUSCANO
