Sa food stand Kelot pinatayan ng ilaw, nanaksak
SUGATAN ang isang 29-anyos food stand helper makaraan saksakin ng lalaking pinatayan niya ng ilaw habang nakikipag-inoman sa Tondo, Maynila kahapon ng madaling-araw.
Nilalapatan ng lunas sa Gat Andres Bonifacio Medical Center ang biktimang si Charlie Mendoza, residente sa Wagas St., Tondo, Maynila. Mabilis na tumakas ang suspek na si alyas Jepoy makaraan ang insidente.
Ayon sa imbestigasyon ni SPO3 Paul Vincent Barbosa II, dakong 1:00 am sa isang food stand sa Plaza Leon Hernandez, nakita ng biktima na nabasa ang electric wire kaya tinanggal ang saksak ngunit nang mamatay ang ilaw ay nagalit ang suspek kaya siya sinaksak.
( LEONARD BASILIO )
