James Reid, wala sa hitsura na gumagamit ng droga

ISANG showbiz outsider ang nagtanong sa amin kung totoo raw bang drug user din si James Reid? Ewan kung bakit lumulutang din ngayon ang pangalan ng isa sa mga ipinagmamalaking bituin ng ABS-CBN.

Wala man kaming maipakitang katibayan ay pumupusta kami: wala sa hitsura ni James ang gumagamit, much less gumon sa ipinagbabawal na gamot.

Very bubbly at malinis si James sa kanyang katawan. Higit pa rito ay ang kawalan ng palatandaan na wala siya sa huwisyo. Ito ba ang mukhang adik?

Hindi man namin kilala si James ng lubos, we don’t think he’s out to destroy his career and his life sa ganitong bisyo, na alam naman niya ang kauuwian.

Even submitting himself to a drug test ay mukhang hindi na kailangan.  Kung alam naman kasi ni James sa kanyang sarili na ni pagtikim ng illegal drugs ay hindi niya sinubukan, then why undergo such a test?

To top it all, naniniwala kami na hindi isang kunsintidor ang TV network na kinabibilangan ni James. Hindi nga ba’t pinasimulan ng Star Magic ang pagpapa-test sa kanilang mga kontratadong artista bilang pagtugon sa panawagan ng kasalukyang administrasyon?

HOT, AW! – Ronnie Carrasco III