IPINAUUBAYA ni House committee on justice chairman Rep. Reynaldo Umali sa ibang lupon kung magsasagawa rin ng ibang imbestigasyon sa nabunyag na paghahakot ng prostitutes ng actress na si Rosanna Roces sa New Bilibid Prisons (NBP).
Una rito, inamin ni Roces na kumikita siya ng P25,000 sa tuwing magdadala siya ng mga babae para sa high profile inmates.
Para kay Umali, seryosong isyu ito na dapat siyasatin.
Malinaw rin aniyang may pagkukulang dito ang mga opisyal ng BuCor, na nakasasakop sa NBP.
Sa palagay niya, dapat din kasuhan si Roces dahil sa ilegal niyang aktibidad.
