AMINADO si Defense Sec. Delfin Lorenzana, wala siyang pinanghahawakang impormasyon ukol sa sinasabing balak na pagpatay ng Central Intelligence Agency (CIA) kay Pangulong Rodrigo Duterte.
Ito ang naging pahayag ni Lorenzana, kasunod nang pag-uusap nila ng ilang opisyal ng Estados Unidos.
Kabilang sa mga nakaharap ng DND chief si US Ambassador to Philippines Philip Goldberg, na todo tanggi sa isyung pinalutang mismo ni Pangulong Duterte.
Gayonman, hindi isinasantabi ni Lorenzana ang posibilidad na may ibang sources ang chief executive kaya hindi maiaalis na magpalabas ng ganitong statement ang presidente.
Sa panig ng militar at pulisya, tiniyak nilang mananatili silang tapat sa kanilang tungkulin para protektahan ang pangulo sa ano mang banta sa kanang buhay.
