Tuesday , February 7 2023

Wikang Filipino sa siyensiya isinusulong

GAGAMITIN na sa siyensiya at matematika ang wikang Filipino.

Isa ito sa mga tinalakay sa Pambansang Kumperensya at Sawikaan 2016 sa pangunguna ng Filipinas Institute of Translation (FIT) kaagapay ang Komisyon sa Wikang Filipino (KWF), National Center for Culture and the Arts (NCCA), at University of the Philippines Diliman-College of Education.

Ang programang may temang “Wikang Filipino bilang wikang Siyentipiko” ay nakatuon sa paggamit ng Filipino sa pagtuturo ng mga asignatura tulad ng Ekonomiks, Siyensiya, Pilosopiya, Agham at Matematika, at Pananalapi.

Kabilang sa mga nagsalita ang Deputy Governor for the Monetary Stability Sector ng Bangko Sentral ng Pilipinas (BSP) na si Diwa C. Guinigundo.

Ibinida ni Guinigundo ang pakikipagtulungan ng BSP sa Phoenix Publishing House sa paglathala ng mga aklat para sa elementarya na aniya’y tungkol sa tamang pag-iimpok ng salapi.

Samantala, pinag-iigihan ni Dr. Agustin Arcena at ng College of Economics katuwang ang College of Education, ng UP na maituloy ang naudlot na proyektong makalathala ng “teacher’s guide” para sa mga guro ng Ekonomiks sa sekondarya.

Nagkakaisa sina Guinigundo, Arcena at sina Dr. Mario Miclat ng National Committee of Language and Translation (NCLT), Dr. Jovino de Guzman Miroy ng Ateneo de Manila University, at Prop. John Gabriel Pelias ng UP Surian ng Matematika, tungo sa iisang layunin na magkaroon ng standard manual o module na gagawing batayan sa kanilang pagtuturo.

Bagaman mahirap ang pagbabagong tinutukoy na nangangailangan ng malawakang pagkilos at kooperasyon mula sa iba’t ibang ahensiya ng gobyerno, malakas ang paniniwala na makakamit ang ganap na intelektuwalisasyon ng wikang Filipino.

Katuwang ang mga guro na dumayo mula sa iba’t ibang rehiyon ng Filipinas, binuo ng FIT at ng tagapangulo ng KWF, ang Pambansang Alagad ng Sining para sa Literatura na si Virgilio S. Almario, ang resolusyon na naglalayong agarang maipatupad ang pagtuturo ng agham at matematika sa wikang Filipino.

Binigyang-diin ng resolusyon ang pagbibigay ng malawakang training para sa mga guro ng mga nasabing asignatura, at ang paghimok sa Department of Education (DepEd) at Commission on Higher Education (CHED)  na maglaan ng sapat na pondo para sa materyal at kasangkapang makatutulong sa paglinang ng wikang Filipino sa nasabing larang.

Isusumite sa DepEd at CHED, ang mga ahensiyang sangkot sa pagpapayaman ng edukasyon sa bansa, ang panukalang resolusyon na nilagdaan ng 86 delegado na binubuo ng mga guro.

nina Kimbee Yabut at Joana Cruz

About Joana Cruz Kimbee Yabut

Check Also

Krystall Herbal Oil

Maliliit na bukol-bukol sa kamay ng plantsadora unti-unting nawala sa Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                Mahirap po …

Sylvia Sanchez Rhea Tan Lorna Tolentino

Lorna Tolentino, suki sa A-List Avenue

ALAM MO NA!ni Nonie Nicasio STAR-STUDDED ang naging grand opening and ribbon-cutting ceremony ng sosyal at magarang Beautederm Corporate …

Krystall B1B6, Krystall Herbal Oil

63-anyos Plantitong may arthritis guminhawa sa Krystall Herbal Oil at Krystall Vitamins B1B6 ng FGO

Back to BasicNATURE’S HEALINGni Fely Guy Ong Dear Sis Fely Guy Ong,          Halos isang …

Marian Rivera Dingdong Dantes Rhea Tan Beautederm 2

Beautederm ambassadors nagsama-sama sa unveiling ng Beautéderm Corporate Headquarters 

MATABILni John Fontanilla BILANG paghahanda sa ika-14 anibersaryo ngayong 2023, binuksan kamakailan ng Beautéderm Corporationang taon …

Krystall Herbal oil online teacher

Single-mom BPO worker happy sa positive results ng paggamit ng Krystall Herbal Oil

Back to BasicNATURE’S HEALINGni Fely Guy Ong Dear Sis Fely Guy Ong,                I’m Marie …

Leave a Reply