Friday , April 12 2024

Matobato isinuko ni Trillanes sa PNP (Seguridad tiniyak ni Gen. Bato)

PERSONAL na isinuko ni Senador Antonio Trillanes IV ang self-confessed hitman na si Edgar Matobato, kay PNP chief Director General Ronald “Bato” Dela Rosa sa Kampo Crame makaraan maglabas ng arrest warrant ang korte sa Davao City sa kasong illegal possession of firearms. (ALEX MENDOZA)

ISINUKO ni Senador Antonio Trillanes IV nitong Biyernes ng umaga ang nagpakilalang isa sa mga hitman ng sinasabing Davao Death Squad (DDS), sa national headquarters ng pulisya sa Camp Crame.

Inilagay ng senador sa kustodiya ng mga pulis si Edgar Matobato ilang oras makaraan ilabas mula sa Senate Building sa Pasay City.

Tumestigo si Matobato sa pagdinig ng Senate justice committee,  sa pamumuno ni Senator Leila de Lima, sa extrajudicial killings ng sinasabing DDS, sa ilalim ng pahintulot ni Pangulong Duterte noong alkalde pa lamang ng Davao City.

Unang dinala ni Trillanes si Matobato sa tanggapan ni PNP chief Director General Ronald dela Rosa, ngunit wala roon ang hepe dahil sa isang “prior commitment.”

Naghain ng arrest warrant ang isang korte sa Davao laban kay Matobato makaraan mabigong dumalo sa itinakdang arraignment nitong Martes sa kasong  illegal possession of firearms na isinampa laban sa kanya noong 2014.

SEGURIDAD TINIYAK NI GEN. BATO

TINIYAK ni PNP chief, Director General Ronald dela Rosa ang seguridad ng testigong si Edgar Matobato habang nananatili sa kustodiya ng PNP-CIDG.

Una rito, inihantid ni Sen. Antonio Trillanes si Matobato kay Dela Rosa makaraan maglabas ng warrant of arrest ang Davao court dahil sa kasong illegal possession of firearms.

Sinabi ng PNP chief, sisiguruhin niyang magiging ligtas ang buhay ni Matobato habang nasa kostudiya ng mga pulis.

Dagdag ng heneral, para masiguro ang seguridad ni Matobato ay iisyuhan nila ng bullet proof vest, kevlar helmet, bullet proof googles at mask.

Kung puwede lang aniya nai-armorize ang buong katawan ni Matobato ay gagawin nila upang matiyak lang ang seguridad.

Dagdag pa ni Dela Rosa, kung puwede pa nila pagsuotin ng bomb suit si Matobato ay gagawin din nila.

About hataw tabloid

Check Also

COPA Swim Series Leg 3 RMSC Eric Buhain

COPA Swim Series Leg 3 sa RMSC

TULOY ang pagtuklas sa mga bagong talento sa isasagawang National Capital Region (NCR) One For …

Marilag Festival Sta Maria Laguna

Mula 11-14 Abril 2024
IKA-11 MARILAG FESTIVAL SA STA. MARIA, LAGUNA   INAASAHANG DARAYUHIN

TAMPOK ang iba’t ibang produktong agrikultural at iba pang by-products, sa pagdiriwang ng mga taga-Sta. …

Bulacan Police PNP

P240k ilegal na droga kompiskado; 11 pasaway arestado

INILUNSAD ng pulisya sa Bulacan ang pinaigting na operasyon na nagresulta sa pagkakompiska ng ilegal …

DANIEL FERNANDO Bulacan

National wealth tax para sa likas na tubig
MOTION FOR RECONSIDERATION INIHAIN SA SC NG BULACAN GOV

NAGHAIN ng Motion for Reconsideration si Bulacan Gov. Daniel Fernando sa Korte Suprema sa naging …

arrest posas

Nagtapon ng basura sa bawal na lugar
MISTER TIKLO SA DALANG SHABU

BINITBIT ng pulisya sa selda ang isang lalaki matapos mabisto ang dalang mahigit P29,000 halaga …

Leave a Reply

Your email address will not be published. Required fields are marked *