Friday , March 29 2024

Duterte nadapa sa sariling espada — Sen. Dick Gordon (Sa kadaldalan…)

 

HINDI napigilan ni Sen. Richard Gordon ang pumuna sa ilang pananalita ni Pangulong Rodrigo Duterte na minsan ay nagiging kontrobersiyal.

Ginawa ni Gordon, chairman ng Senate committee on justice and human rights, ang pahayag habang nasa kasagsagan nang pagdinig sa isyu ng extrajudicial killings sa bansa.

Diretsahang sinabi ni Gordon na mismong “nadadapa ang presidente sa kanyang sariling espada” dahil sa mga pananalita.

Partikular na tinukoy ng senador ang paboritong sinasabi palagi ng chief executive na “I will kill you” sa drug lords at mga sangkot sa ilegal na droga.

Ani Gordan, “That is not right.”

“He is falling on his own sword. Nadadapa siya sa kanyang espada. Well, salita siya nang salita, napagbibintangan tuloy ang buong bansa na ganyan ang nangyayari,” ani Sen. Gordon sa public hearing sa Senado.

“Kaibigan ko ang presidente pareho kami nag-mayor pero ayokong salita nang salita ang presidente kung ano ang gagawin niya. Pero dapat sasabihin na masyadong marami ang walang naso-solve, hulihin natin, maso-solve ‘yan.”

Tinuligsa ni Gordon si Pangulong Duterte na bilang presidente ay mayroon siyang tungkulin na maging “statesman” kaya dapat mag-ingat sa mga pahayag na nagbibigay nang maling pananaw ng mga taga-ibang bansa sa Filipinas.

Nagpasaring pa si Gordon na kung lagi na lang masasamang pananalita ang maririnig sa presidente, maaaring baguhin na rin ang slogan ng turismo sa bansa bilang “Welcome to P.I.”

Sa kabila ng batikos ni Gordon, agad siyang kumambiyo na ginawa niya ito bilang kaibigan ng pangulo at pareho pa silang naging mayor.

At kaya niya nagawa ito ay dahil isa siyang senador ng bayan.

Kung sakali man aniyang magalit ang presidente ay walang magagawa ang mambabatas.

About hataw tabloid

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *