MAY solusyon pa si Senator Leila de Lima para mapigilan ang pagpapalabas ng sinasabing sex video niya at ng dating driver/lover sa isinasagawang imbestigasyon sa paglaganap ng ilegal na droga sa loob ng New Bilibid Prison (NBP).
Hinikayat ni Atty. Nelson Borja ang senadora na lumapit sa Korte Suprema at humingi ng TRO para hindi matuloy ang plano ng ilang kongresista na ipalabas sa publiko ang kontrobersiyal na video.
Aminado ang abogado na hindi siya pabor na ipalabas ang nasabing sex video totoo man ito o hindi bilang respeto kay De Lima na isang senador, at sa mga kababaihan.
Ilang congressman din ang nagpaabot nang pagkontra sa nasabing hakbang ni House Speaker Pantaleon Alvarez.
