Monday , December 5 2022

Director ng Northern Police District anti-Press corps?

Labis na ipinagdamdam ng mga mamamahayag na bumubuo ng Northern Police District Press Corps ang pagkakaalis ng kanilang opisina sa labas ng bakod ng headquarters ng NPD.

Ilang dekada na ang press corps, pero ngayon lang sa panahon ni NPD Director P/Chief Inspector Galang at NPD Deputy Director SSupt. Alberto Fajardo,  nangyaring inalis ang opisina ng mga mamamahayag na katuwang ng PNP para ipaalam sa mamamayan ang kanilang mga nagawa. Siguro nagtataka kayo kung bakit Director ang ranggo ay Major at ang Deputy ay SSupt. Kasi nga ayon sa mga pulis officer ng NPD, kung ano ang pasya ni Galang ay yon na rin di umano ang sinusunod ni Fajardo.

Ayon sa isang police major, ang original na plano ay hindi aalisin ang press office at ‘yon din ang sinabi ng District Engineer ng DPWH-NCR na si Corea at ‘yon din ang sinabi ni DPWH-NCR Director Melvin Navarro na hindi magagalaw ang press office pero hindi pumayag si Director Galang ayon sa mga pulis-NPD.

Ang press corps ay hindi tumututol sa ano mang proyekto na makabubuti sa lahat pero bakit ang pamunuan ng NPD ay tila allergic sa mga mamamahayag na nakabase sa labas ng bakuran ng NPD?  Ang Press Office inalis pero ang mga ilegal na sugalan sa buong CAMANAVA ay mapaalis kaya ng Director ng NPD? Ang mga night club na nagpapalabas ng bold show ang saklaan at mga video karera ay namamayag. Kapag tinanong, maniniwala ba kayo na walang nakikinabang sa mga ilegal?

Aba’y General Bato ‘wag kang maging bato at manhid, lansagin mo ang mga ilegal na pasugalan at mga putahan sa buong bansa lalo sa CAMANAVA. DILG Secretary Sueno, aba’y ‘wag kang pakaang-kaang! Sibakin mo ang mga opisyal ng NPD na inutil at ‘di nagawang ipatigil ang mga ilegal sa kanilang nasasakupan.

Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected] Para sa mga nakaraang isyu ng BULABUGIN please visit https://hatawtabloid.com

BULABUGIN – Jerry Yap

About Jerry Yap

Columnist at HATAW D'yaryo ng Bayan / CHRONICLE (Customs); National Press Club of the Philippines President (2010-2012), Treasurer (2012), Director (2004-2010) and National Chairman at ALAM (Alab ng Mamamahayag)

Check Also

Sir Jerry Yap JSY Ed de Leon

Sa unang Pasko na wala siya
JSY HINDI NAKALIMOT SA MGA EMPLEYADO

ni ED de LEON AYOKONG isipin na wala na si Boss Jerry. Ang laging nasa …

Sir Jerry Yap JSY Nino Aclan

JSY, the best boss that i’ve ever met

ni Niño Aclan SIR JSY is the “Best Boss” that I’ve ever meet. Ganito ko …

Sir Jerry Yap JSY Bong Son

Totoong tao, tunay na kaibigan, best boss ever

ni BONG SON TUNAY na ako’y napahanga sa ipinakitang pagmamahal ng publisher ng HATAW Diyaryo …

Sir Jerry Yap JSY Ms M

Forever grateful kay JSY

ni Maricris Valdez-Nicasio COOL boss. Ganito ko sabihin at ilarawan ang aming publisher na si …

Sir Jerry Yap JSY Rose Novenario

Matatag, maaasahan, may paninindigan
PINAKAMATAAS NA PAGSALUDO SA IYO, SIR JERRY!

ni ROSE NOVENARIO KUNG ilalarawan ko ang pagkatao ni Jerry Sia Yap bilang employer at …

Leave a Reply