GINAHASA at pinatay sa saksak sa loob ng bahay ang isang 16-anyos dalagita kamakalawa sa General Tinio, Nueva Ecija.
Ang itinuturong nasa likod ng karumal-dumal na krimen, ang 15-anyos na manliligaw ng biktima.
Ayon sa ulat, nakipag-inoman muna ang suspek bago gawin ang krimen.
Batay sa pahayag ng kapitbahay ng biktima, may narinig silang ingay sa bahay at nakita ang binatilyong suspek na nakahubad at nagmamadaling umalis.
Naiwan ng suspek ang kanyang underwear at ang isang patalim na pinaniniwalaang ginamit sa pagsaksak sa biktima.
Naaresto na ang suspek at ngayon ay nasa pangangalaga ng Department of Social Welfare and Development (DSWD).
Nahaharap ang binatilyo sa reklamong rape with homicide.
