Friday , March 29 2024

P300-M sa 2014 raid missing — DoJ

NAWAWALA ang P300 milyon cash na nakuha sa raid sa New Bilibid Prison noong Disyembre 2014.

Ito ang inihayag ni Justice Secretary Vitaliano Aguirre II alinsunod sa testimonya  ng isang inmate at intelligence officer.

Taliwas ito sa unang report na P1.6 milyon cash lamang ang nakompiska mula sa mga preso sa maximum security compound.

Ayon kay Aguirre, sinabi ng mga saksi na kasama sila sa pagsalakay noong Disyembre 15, 2014 na pinangunahan ni noo’y Justice Secretary at ngayo’y Senator Leila De Lima. Si De Lima ay inaakusahan ngayong sangkot sa bentahan ng  ilegal na droga sa NBP.

Sinabi ni Aguirre, iba ang deklarasyon ni De Lima kaya’t pinaiimbestigahan na rin  nila ito sa NBI.

Giit ni Aguirre, dapat din maipaliwanag kung saan nanggaling ang nasabing  halaga.

Makaraan aniya ang pagsalakay, iniutos ni De Lima ang paglilipat sa 19 drug lords sa NBI.

Ilan sa kanila ay tumestigo noong nakaraang linggo sa Kamara.

Tanging si Jaybee Sebastian lamang ang naiwan sa NBP at pagkaraan ay lalong namayagpag ang bentahan ng ilegal na droga sa NBP.

Nakalikom aniya si Sebastian ng pera mula sa drug money at ginamit na pondo sa eleksiyon ni De Lima.

Itinatanggi ni De Lima ang nasabing alegasyon.

( LEONARD BASILIO )

EBIDENSIYA NG DOJ FAKE
NA PARANG ‘WIG’
NI AGUIRRE— DE LIMA

NIRESBAKAN ni Sen. Leila de Lima si Justice Sec. Vitaliano Aguirre sa pagtuturo sa kanya na nakinabang sa illegal drug operation sa New Bilibid Prisons (NBP).

Ayon kay De Lima, peke ang mga ebidensiya ni Aguirre na maihahalintulad sa buhok ng kalihim na wig lamang at hindi tunay.

Ang totoo aniya na hindi mapasusubalian ay talamak na patayan sa ating bansa.

Giit ng senadora, imbes sila ang punahin, dapat aniyang tutukan ng DoJ ang pagsisiyasat sa mga sindikatong nasa likod ng pagtutulak ng droga at ang pag-iral ng vigilantes na pumapatay sa iba’t ibang parte ng bansa.

“Secretary Aguirre’s alleged evidence against me is like his toupee, his wig – fake and cosmetics only. There is nothing into it other than that. Nothing’s authentic. What is real however are the killings. What is tragic is that these killings continue unabated. And the criminals, including these so-called vigilantes, are getting bolder; while the victims are getting younger,” pahayag ni De Lima.

SEX VIDEO NI DE LIMA
GAGAMITING EBIDENSIYA

AMINADO si Justice Sec. Vitaliano Aguirre, pinag-iisipan nilang gamitin din bilang ebidensiya ang sinasabing sex video ni Sen. Leila de Lima at ng dating driver ng senadora na si Ronnie Dayan.

Ito ay kung hindi aniya makikipagtulungan ang dalawa sa pagsisiyasat ng House panel sa usapin ng drug trade sa New Bilibid Prison (NBP).

Giit ni Aguirre, matibay na ebidensiya ang sex video para patunayan kung gaano kalapit sa senadora ang dati niyang driver na inaakusahang kolektor ng drug money sa NBP.

Ngunit una nang nanindigan si De Lima na gawa-gawa lamang ang sex video na iniuugnay sa dating DoJ secretary.

Sabi aniya ng kanyang staff, hindi tugma ang hitsura ng nasa video/picture sa physical features niya.

About Leonard Basilio

Check Also

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Chasing Tuna in the Ocean

MTRCB ipinagbawal pagpapalabas ng Chasing Tuna in the Ocean 

SHOWBIZ KONEKni Maricris Valdez Nicasio INIHAYAG ng Movie and Television Review and Classification Board (MTRCB) ang desisyong …

Leave a Reply

Your email address will not be published. Required fields are marked *