MALAKING factor ang pagkapanalo ni Xian Lim sa EdukCircle Award bilang best actor para sa seryeng The Story Of Us. At least, napatunayan niyang may improvement ang acting niya pagkatapos malait-lait ang pag-arte niya noong araw.
Malaking bagay na kinilalang mahusay na actor si Xian lalo na sa punto ng career niya na mukhang paghihiwalayin muna sila ni Kim Chiu.
Bagamat wala pang kompirmasyon sa reunion project nina Kim at Gerald Anderson, hindi naman against si Xian sa bagay na ito. Trabaho raw ‘yun at siguradong matinong proyekto ‘yun.
Humihingi na rin siya ng pang-unawa sa KimXi kung sakaling i-partner sa iba si Kim. Kahit anong proyekto ang gawin nila ay suportahan sana sila.
Naghahanda rin si Xian para sa bagong pelikula na gagawin niya. Ayaw pa niyang magbigay ng detalye pero nagpapalaki siya ng katawan. Hindi kaya daring at sexy ang bagong project ni Xian?
TALBOG – ROldan Castro
