HATAW! D'yaryo ng Bayan hatawtabloid.com
SINAMANTALA ng isang 24-anyos lalaki ang kalasingan ng babaeng kainoman at ginahasa habang nagpapahinga sa kanyang silid sa Sta. Cruz, Maynila nitong Biyernes.
Ang suspek na si Quiven Salvejo, empleyado ng Huan Chai-Binondo, at residente sa Isabel Building, Fugoso St., sa Sta. Cruz, ay nahaharap sa kasong rape na isinampa sa kanya ng 23-anyos biktimang si Mai-mai, nangungupahan sa isang silid sa Fugoso St., sa Sta. Cruz.
Batay sa reklamo ni Mai-mai kay SPO2 Rowena Espinosa-Albano, ng Manila Police District (MPD)-Station 3 (Sta. Cruz), naganap ang panggagahasa sa loob mismo ng kanyang inuupahang silid dakong 4:00 am nitong Biyernes makaraan ang kanilang pag-iinoman kasama ng ilang kaibigan. (LEONARD BASILIO)
