CAMP OLIVAS, Pampanga – Bumulagtang walang buhay ang isang dating vice mayor ng bayan ng Apalit makaraan pagbabarilin ng hindi nakilalang mga suspek sa loob ng kanyang pag-aaring Masa Royale Resort kamakalawa ng hapon sa Brgy. San Juan, ng nabanggit na bayan.
Nabatid sa ulat ni Supt. Wilson M. Alicuman, hepe ng Apalit Police, sa tanggapan ni Chief Supt. Aaron N. Aquino, Police Regional Office-3 director, agad binawian ng buhay ang biktimang si dating Apalit vice mayor Alex Manlapaz, 48-anyos.
Sa pagsisiyasat ni PO2 Artem S. Tamsi, nagtungo ang dalawang suspek sa resort ng biktima ngunit habang sila ay nag-uusap, bigla siyang pinagbabaril nang malapitan at pagkaraan ay mabilis na tumakas lulan ng motorsiklo.
( LEONY AREVALO )
