IGINIIT nina Klarisse de Guzman, JK Labajo, at Jason Dy na nais nilang mapanood nina Sarah Geronimo at Bamboo ang kanilang magiging konsiyerto na One Voice na magaganap sa Oktubre 1, 8:00 p.m. sa Music Museum.
Sina Sarah at Bamboo kasi ang naging coach nila nang magsisali sa The Voice noon.
“Kasi parang gusto kong makita ‘yung naging fruit of her labors. ‘Yung parang ‘yung pinaghirapan niyang pagmementor sa amin sa ‘The Voice’” ani Jason patungkol kay Sarah.
“Gusto ko hong makita ni coach Bamboo, actually sila ho, ‘yung ano po ‘yung improvement,” sabi naman ni JK.
Sinabi pa ng tatlo na dream come true ang One Voice at tiniyak na mapapanganga ang audience sa mga ipakikita nilang performance.
“Siyempre asahan nila na iba ‘yung ibibigay naming surprises ngayon. Abangan nila ‘yung songs na kakantahin namin. Actually, kahit kami, napaisip kung paano namin babaliin pero I know paghahandaan po namin para sa kanilang lahat,” pagtitiyak ni Klarise.
Ang One Voice ay ipinrodyus ng Hills & Dreams with Marvin Querido as musical director at Frank Lloyd Mamaril bilang overall director.
For ticket inquiries, bisitahin ang Ticketworld outlets o tumawag sa 8919999.
SHOWBIZ KONEK – Maricris Valdez Nicasio
