DALAWANG bombero ang sugatan sa pagresponde sa sunog sa isang itinatayong gusali sa Libis, Quezon City, nitong Huwebes.
Ayon sa inisyal na ulat, nasunog ang eletrical wiring sa third level basement ng Eastwood Tower 1, pasado 1:00 am.
Dahil patuloy ang konstruksiyon sa gusali, wala pang sprinkler na nakakabit.
Sa gitna nang pag-apula sa apoy, dalawang bombero ang nagalusan.
Naapula ang sunog dakong 6:23 am habang walang ibang nadamay na gusali sa sunog na nag-iwan ng P500,000 danyos.
