KINOMPIRMA na ni Rufa Mae Quinto sa pamamagitan ng Rated K noong Linggo na buntis siya mula sa kanyang non-showbiz fiancé na si Trev Magallanes.
Ani Quinto, 38, 17-weeks pregnant na siya at aminadong napaiyak nang malamang nagdadalantao na dahil nag-alala siyang posibleng hindi na mabuntis dahil na rin sa kanyang edad.
Pinayuhan ng doctor si Peachy (tawag kay Rufa Mae) na magpahinga para maiwasan ang anumang komplikasyon dahil nga sa delikadong pagbubuntis.
“Hindi ko naman kasi alam na bawal ka na palang gumalaw ng gumalaw kapag buntis ka. Kailangan lahat dahan-dahan lang. Hindi ka na basta basta puwedeng yumuko, kailangan may poise na,” anito sa interbyu ng Rated K.
Nakatakda namang ikasal sina Quinto at Magallanes sa Nobyembre.
SHOWBIZ KONEK – Maricris Valdez Nicasio
