Tuesday , November 29 2022
dead gun police

5 todas sa death squad sa Caloocan

PATAY ang limang lalaking hinihinalang sangkot sa droga makaraan pagbabarilin ng pinaniniwalalang mga miyembro ng Caloocan Death Squad (CDS) sa magkakahiwalay na lugar sa Caloocan City.

Hindi na umabot nang buhay sa Tala Hospital si Richard Genova, 31, nang pagbabarilin ng riding-in-tandem suspects sa harap ng kanilang bahay sa 1643 CDY Barracks, Tala, Brgy. 186 dakong 8:00 pm kamakalawa.

Dakong 1:50 am kahapon nang barilin ng hindi nakilalang mga suspek si Edgardo Rivera, Jr., 36, sa labas ng kanilang bahay sa Block 9, Lot 11, Phase 5, Villa Enrico Heights, Brgy. 171 Bagumbong.

Si Edwin Adani, 37, ay pinagbabaril dakong 1:00 am kahapon sa Brgy. 176.

Dakong 2:00 am kahapon, natagpuang walang buhay ang hindi nakilalang biktima sa isang bakanteng lote sa Waling-Waling at Sampaguita Streets, Brgy.175, Camarin.

Samantala, dakong 10:00 pm kamakalawa nang pagbabarilin si Gaspar Grate, 43, sa harap ng Puerto Store sa Package 4, Phase 5A, Block 23, Lot 23, Bagong Silang,  Brgy.176. (ROMMEL SALES)

Sa Pasig City

4 DRUG SUSPECT

UTAS SA VIGILANTE

APAT hinihinalang sangkot sa droga ang pinaniniwalaang pinatay ng vigilante group sa magkakahiwalay na insidente sa Pasig City.

Dakong 2:00 am kahapon nang pagbabarilin ng hindi nakilalang mga suspek si Amirudin Sani, 27, Leticia Village, Brgy. Pinagbuhatan, Pasig City.

Habang dakong 11:40 pm kamakalawa nang pagbabarilin ng hindi nakilalang mga suspek sina Bonifacio Antonio, 55, at Mario Rosit, habang nag-iinoman sa harap ng isang bahay sa Brgy. Rosario ng lungsod.

Samantala, isang hindi nakilalang lalaki ang binaril sa kanto ng P. Conducto St., at Dr. Sixto Antonio Ave., Brgy. Caniogan dakong 10:10 pm kamakalawa.(ED MORENO)

MAG-AMANG TULAK

TIGBAK SA BUY-BUST

PATAY ang mag-amang hinihinalang mga tulak ng droga makaraan makipagbarilan sa mga pulis sa buy-bust operation kahapon ng madaling-araw sa Caloocan City.

Hindi na umabot nang buhay sa Manila Central University (MCU) Hospital ang mag-amang sina Luisito Bonifacio, 44, at Gabriel, 18, kapwa residente ng 86 Masikip St., Brgy.146, Bagong Barrio ng nasabing lungsod.

Batay sa ulat nina PO3 Harold Jake Dela Rosa at PO3 Billy Villanueva, dakong 1:30 am nang isagawa ang buy-bust operation sa bahay ng mag-ama.

Ngunit nang makatunog si Luisito na pulis ang katransaksiyon ay pinaputukan niya ang mga awtoridad. Gumanti ng putok ang mga pulis na nagresulta sa pagkamatay ng mag-ama.

(ROMMEL SALES)

2 PATAY SA OPLAN TOKHANG SA PASAY

PATAY ang dalawang lalaki makaraan makipagbarilan sa mga pulis sa ipinatupad na “Oplan Tokhang kamakalawa ng gabi sa Pasay City.

Sa ulat na nakarating sa tanggapan ni Pasay City Police chief, Sr. Supt. Nolasco Bathan, kinilala ang mga suspek na si Gerald Bituaran, ng Brgy. 193 ng siyudad, at isang alyas Jessie.

Ayon sa ulat ng pulisya, dakong 6:00 pm, ipinatupad ang “Oplan Tokhang” sa ilalim ng Cut-Cut Bridge, NAIA Road, sa panulukan ng Verbena St., Brgy. 199 ng lungsod ngunit pumalag ang mga suspek na nagresulta sa palitan ng putok.

Gumanti ng putok ang mga pulis na ikinamatay ng mga suspek.

(JAJA GARCIA)

About Rommel Sales

Check Also

shabu drug arrest

P.8-M shabu sa Vale
HIGH VALUE INDIVIDUAL, KALABOSO

BAGSAK sa kulungan ang isang lalaki na listed bilang high value individual (HVI) matapos makuhaan …

Navotas Greenzone Park

Navotas Greenzone Park binuksan

PINANGUNAHAN ni Navotas City Mayor John Rey Tiangco at Congressman Toby Tiangco, kasama si Metropolitan …

Arrest Posas Handcuff

Rank 10 MWP ng PRO8, huli ng NPD

ARESTADO  ang isang lalaki na nakatala bilang rank 10 most wanted person (MWP) sa kasong …

congress kamara

 “Caregivers Welfare Act” pasado sa Kamara

SA BOTONG 271, inaprobahan ng Kongreso sa ikatlo at huling pagbasa ang House Bill 227 …

Quezon City QC

QMC idineklarang child labor-free zone — Belmonte

KASABAY nang pagdiriwang ng National Children’s Month, idineklara ng lokal na pamahalaan ng Quezon City …

Leave a Reply