NATAGPUANG patay sa loob ng kanilang bahay ang magkapatid na lola sa Talisay, Negros Occidental kamakalawa.
Ito’y nang mag-alala ang labandera ng mga biktima nang walang magbukas sa gate nang siya ay kumakatok.
Nagpasya siyang akyatin ang gate ng bahay at nakitang nakahandusay sa loob sina Isabel at Celestina Laudio, 85 at 87 anyos.
Walang sugat ang dalawa kaya isinailalim sa autopsy ang kanilang mga bangkay para malaman ang sanhi ng kanilang pagkamatay.
Tinitingnan ang anggulong pagnanakaw dahil nagkalat ang mga gamit ng magkapatid sa loob ng bahay.
Pinaghahanap na ang on-call driver ng mga biktima, na hindi na ma-contact makaraan matagpuan ang mga bangkay.
