NAKATAKDANG ibulgar ni Bureau of Customs (BoC) Commissioner Nicanor Faeldon sa susunod na mga araw ang isang malaking anomalya sa loob ng kanilang kagawaran.
Ayon sa opisyal, natumbok na nila ang naturang kaso ngunit tumanggi muna siyang isapubliko ang detalye nito.
Ginawa ni Faeldon ang pahayag upang patunayan na umuusad ang direktiba niya na imbestigasyon upang linisin ang kagawaran sa tiwaling mga opisyal lalo ang pagsasailalim sa lifestyle check.
Nitong nakalipas na linggo, naging usap-usapan ang paglalagay ng live streaming o CCTV sa Customs upang maiwasan ang fixers at nanunuhol upang maipalusot ang mga kontrabando.
