INAABANGAN na ngayon kung may sapawan na mangyayari sa Oh, Boy! concert sa Music Museum sa September 23. Tatlong Kapuso hunks ang makakasama ni Jake Vargas sa katauhan nina Aljur Abrenica, Derrick Monasterio, at Rocco Nacino.
Paano makakasabay si Jake pag naghubad at nagpasilip ng abs ang tatlo?
“Actually iyon nga ang sinasabi nila, kumbaga ako ‘yung pinaka-wholesome, siguro, maggigitara lang ako pero hindi ako magpapakita ng abs, ganoon, walang ganoon,” bulalas ng young actor.
Aminado si Jake na hindi pa siya ganoon ka-physically ready. Pero nagwo-workout naman daw siya.Wala pa raw siyang “pandesal” sa tiyan pero wala naman daw siyang bilbil.
Kailan ba siya magpapasilip at magpapa-sexy?
“Pinaghahandaan ko naman po, pinaghahandaan ko siya,” sambit niya.
Twenty four years old na ngayon si Jake kaya carry nang magpaka-daring.
TALBOG – Roldan Castro
