HATAW! D'yaryo ng Bayan hatawtabloid.com
PATAY ang dalawang hinihinalang drug pusher makaraan makipagbarilan sa mga pulis sa isinagawang “Oplan Sama-Sama” operation sa magkahiwalay na lugar kamakalawa ng hapon sa Malabon City.
Kinilala ni Sr. Insp. Joseph Godovez ang unang napatay na si Guillermo Hernandez, alyas Gimo, 40-anyos, residenge ng 333B Gov. Pascual, Brgy. Catmon ng nasabing lungsod.
Batay sa ulat nina PO3 Rolando Hernando, PO2 Roldan Angeles at PO1 Aaron Blanco, dakong 3:20 pm nang mapatay si Hernandez sa buy-bust operation sa Gov. Pascual corner Gulayan St. ng nabanggit na lungsod.
Habang dakong 5:05 pm, napatay ang suspek na si Edgardo dela Cruz alyas Egay ng Gozon Compound, P. Aquino St., Brgy. Tonsuya ng nasabing lungsod, sa isinagawang buy-bust operation ng mga tauhan ni Chief Insp. Carlos Dilag ng Station Anti-Illegal Drugs Operation Task Group (SAID-SOTG).
( ROMMEL SALES )
2 TULAK PATAY SA DRUG BUST
PATAY ang dalawang hinihinalang tulak ng droga nang makipagpalitan ng putok sa mga pulis sa isinagawang buy-bust operation kamakalawa sa Sta. Cruz, Maynila.
Napatay ng mga pulis sina alyas Totoy at alyas Usher II kamakalawa ng gabi sa 961 Quezon Blvd., H. Cano Compound, Sta. Cruz, Maynila.
( LEONARD BASILIO, may kasamang ulat nina Joana Cruz at Julyn Formaran )
