Board Members ng DDB palitan na
POLICY making body umano ang Dangerous Drug Board (DDB) kung ang pag-uusapan ang papel nila sa ahensiya ng pamahalaan.
Isa sa mga trabaho nila ang pagre-regulate at pagmo-monitor ng mga rehabilitation facilities.
Kung hindi tayo nagkakamali malaki ang budget na inilalan ng pamahalaan sa DDB.
Pero ang ipinagtataka natin, kung talagang functioning ang ahensiyang ito ng gobyerno, bakit ang daming nahuhuling adik, maraming sumusuko at halos araw-araw ay maraming napapatay?
Ibig sabihin, sa laki ng budget ng DDB, hindi sila gumagana para mabawasan ang mga adik sa ating bansa.
‘E saan pala napupunta ang sinasahod ng mga taga-DDB?
Waley!
Nganga!
PDEA Director General Isidro Lapeña Sir, panahon na siguro para palitan lahat ang board member diyan sa DDB.
Ilagay na po ninyo riyan ‘yung mga doctor na tumulong kay Pangulong Rodrigo “Digong” Duterte noong panahaon ng eleksiyon.
‘Yan ‘yung mga doktor na gumastos pa ng sariling pera nila para tumulong sa kampanya ni Digong.
Baka ‘yang mga doktor na ‘yan ang makapagpatino sa DDB.
Balasahin o palitan lahat ng board sa DDB!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
[divider]
