HATAW! D'yaryo ng Bayan hatawtabloid.com
Magpapanggap si Mark Herras na boyfriend ni Megan Young ngayong Linggo (August 14) sa Conan My Beautician.
Umamin man si Conan (Mark) sa kanyang mga kasamahan sa Salon Paz na straight talaga siya at nagpapanggap lang na beki upang mapagamot ang inang may sakit, hindi pa rin nito maamin sa sarili ang nararamdaman niya para kay Ava (Megan Young).
Sa muling pagkukrus ng landas nilang dalawa, magsisimula ang isang masayang pagkakaibigan. Mahahanap ni Ava kay Conan ang lalaking makauunawa sa kanyang problema.
Isang arranged marriage kasi na ipinagpipilitan ng mga magulang ni Ava ang nais niyang takasan. Ang naisip na solusyon ng dalaga ay maghanap ng magpapanggap na kasintahan para tutulan ang nais ng kanyang mga magulang.
Si Conan ang kokontratahin niyang maging fake boyfriend.
Anong bagong hamon ang haharapin ni Conan sa panibago niyang pagpapanggap? At sa lalo nilang paglalapit ni Ava, hindi kaya tuluyan nang mahulog ang kanyang damdamin?
Mas nakakikilig at mas kapana-panabik ang Conan My Beautician ngayong Linggo, 5 p.m. pagkatapos ng GMA Blockbusters sa GMA 7.
BANAT – Pete Ampoloquio, Jr.
