Friday , March 29 2024

Blakely pinalitan na ng Star

NOONG nakaraang Miyerkoles ay nakasalo ni Star Hotshots coach Jason Webb ang ilang sportswriters sa Cafe Adriatico  sa Araneta Coliseum upang ibahagi niya ang ilang bagay tungkol sa kanyang koponan.

Pangunahin sa naging agenda ng pagtitipong iyon ang itanong kung ano ang masasabi ng mga sportswriters tungkol sa kanilang import na si Marqus Blakely.

Kasi nga ay maraming tumutuligsa sa performance ni Blakely na isang dating Best Import awardee. Parang pababa ang kanyang laro at hindi na yata babalik sa dati.

So, marami ang nagsabi na tila makabubuti na nga yatang palitan si Blakely.

Hindi lang naman mga sportswriters ang pumupuna kay Blakely, e. Halos lahat ng fans ng Star Hotshots ay nagsasabi na tila wala nang ibubuga ang kanilang import at kailangang maghanap na ng iba.

Ganoon din naman ang nasa isipan ni Webb. Gusto lang din niyang malaman ang opinyon ng karamihan.

Kasi mahirap palitan si Blakely. Unang-una ay mabait ang import na ito. Ikalawa ay nabigyan nga sila nito ng kampeonato.

Pero hindi naman bumabata ang mga players, e.Tumatanda sila at bumabagal. O humihina. Kumpara sa 11 imports ng mga ibang koponan, si Blakely ang may ikalawang pinakamababang scoring average. Parang nawala na nga ang kanyang gilas.

Katapus-tapusan ng usapan ay sinabi ni Webb na may nakaantabay na nga siyang imports na pinagpiplian. Kung magpapalit ang Hotshots, kailangan ay ngayon na bago ang laban nila kontra sa NLEX sa Biyernes.

Crucial kasi ang laban nila ng Road Warriors dahil pareho sila ng kartada. Baka sa dakong huli ay magtabla sila at kailanganin ng quotient. So, makakabuti daw sa Star kung mananalo sila kontra NLEX.

Hayun at pinauwi na nga si Blakely. Kinuha si Joel Wainwright.

Tama naman ang desisyong magpalit.

Sana nga lang ay mahusay ang nakuhang kapalit.

SPORTS SHOCKED – Sabrina Pascua

About Sabrina Pascua

Check Also

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Pinoy wreslers Olympics

Pinoy wreslers, kayang umabot sa Olympics

KUMPIYANSA si Wrestling of the Philippines (WAP) president Alvin Aguilar na ang mga repormang ipinatupad …

Kheith Ryhnne Cruz TOPS Olympic

TOPS Olympic slots, target ni table tennis star Kheith Rhynne Cruz

MABIGAT ang hamon na kakaharapin ni Pinay table tennis phenom Kheith Ryhnne Cruz para sa …

30 bolang ginamit sa FIBA Qualifiers, ipinagkaloob sa Pasay LGU

30 bolang ginamit sa FIBA Qualifiers, ipinagkaloob sa Pasay LGU

NAG-DONATE kahapon, 20 Marso 2024, ng 30 bola ang Samahang Basketbolista ng Pilipinas (SBP) sa …

Reli de Leon Antonella Berthe Racasa

High Roller bida sa Triple Crown Stake

IBINABA lamang bilang fifth choice, ninakaw ng High Roller ni Lamberto “Jun” Almeda, Jr., ang …

Leave a Reply

Your email address will not be published. Required fields are marked *