Bukod daw sa luma na ang listahan marami pang kulang.
Reaksiyon ito ng mga residente na nagtataka kung bakit wala sa listahan ang mga kilalang local government officials sa kani-kanilang lugar na sangkot sa ilegal na droga.
Sa Maynila lang — bantad na bantad dito ang isang kilalang ‘kupitan’ na sa tagal ng serbisyo sa MPD ‘e ni hindi napabalitang nakatimbog ng tulak o adik sa mga lugar na kanyang kinatalagahan na kilalang talamak ang ilegal na droga.
Isang pulis din sa 6th district ng Maynila na alias “Tata Rukruk” na notoryus na tongpats ng mga tulak ay wala sa listahan.
Sa Pateros, pamangkin ng isang LGU official ang number 1 tulak kaya walang magawa ang mga pulis doon.
E alam na alam naman ng mga lespu, kapag may nahuhuling pusher o adik, ang mga unang-unang uma-arbor ay barangay officials o konsehal sa kanilang distrito.
E bakit ‘yung mga uma-arbor na ‘yan wala sa Duterte’s Narco-list?!
O ‘di ba?!
Dapat siguro sa susunod na narco-list e ma-kompleto na ni C/PNP DG Ronald ‘bato’ Dela Rosa bago niya muling ipasa kay Pangulong Duterte.
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
[divider]
