NAPUTOL ang dalawang paa ng isang 60 anyos lola makaraan mahagip ng tren ng Philippine National Railways (PNR) habang nagte-text sa Sampaloc, Maynila kamakalawa ng hapon.
Kinilala ang biktimang si Norma Taylan, nakatira sa 922 Antipolo St., Sampaloc, Maynila.
Ayon sa ulat, naglalakad ang biktima patawid sa riles malapit sa España Station nang mahagip ng tren na patungong Tutuban dakong 5:00 pm.
Napansin din na may hawak na cellphone ang biktima na tila may ka-text kaya hindi napansin ang tren na noo’y mabagal ang takbo, bukod sa mahina ang pandinig ng matanda.
Huminto ang operator ng tren, hindi para itakbo sa ospital ang biktima kundi hindi para alisin ang dalawang putol na paa na sagabal sa muling pagtakbo ng sasakyan.
Samantala, hindi nakuha ng mga saksi sa insidente ang body number ng tren na nakasagasa sa biktima.
(ni LEONARD BASILIO may kasamang ulat nina Kimbee Yabut at Joana Cruz)
