Monday , June 24 2024

‘Pinas gagastos ng $12-M (P540-M) sa Miss U 2017 (Pagkalap ng pondo, inumpisahan na ni Singson)

080116 MIss Universe Yacht
ITO ang Italian made na yate na gagamitin ng mga kandidata ng Miss Universe para sa pag-ikot nila sa iba’t ibang bahagi ng Filipinas. ( Maricris Valdez-Nicasio )

TULOY na tuloy na ang pagsasagawa ng Miss Universe sa Filipinas dahil nagsisimula nang maghanap ng mga personalidad at private companies si dating Governor Chavit Singson na maaaring makatulong para mabuo ang $12-M na gagastusin para sa pandaigdigang timpalak pagandahan.

Ayon kay Singson, walang ilalabas na pera ang gobyerno para sa Miss Universe 2017.

“‘Yun ang pinagtutulong-tulungan namin para maging matagumpay ang pagdaraos ng Miss Universe rito sa atin. Basta walang manggagaling sa gobyerno. So, tatlo kaming nagtutulong-tulong, si Sec. Wanda Corazon Teo (Tourism), ‘yung mga organizer and the private sector na ako nga ang nagko-coordinate.

“So now, we‘re trying to raise funds, na aabot nga sa P540-M. Nandiyan din ang NGOs, LGUs, ‘yung company ko and other private groups kasama ko sina Tony ‘Boy’ Cojuangco among others,” pagbabalita ni Singson sa mga entertainment editor na inimbitahan niya sa Baluarte Singson sa Vigan, Ilocos Sur.

Ani Singson, tumutulong siya sa pagkalap ng pondo para sa Miss Universe dahil, “Happy life, e. Kasi kinausap ako ng nakabili (sa rights ng Miss U), kasi ‘di ba hindi na ‘yan kay Donald Trump, bagong grupo na sila. Tapos nakipag-usap sila sa akin. Umoo ako kasi maganda naman ‘yun para sa Filipinas.

“Makatutulong din ‘yun sa atin, for everybody, kasi  it’s the world’s biggest beauty contest. So, ‘ika ko subukan ko and matutuloy na. Formalities na lang ang kulang, maybe next week (sa August) plantsado na lahat,” masayang pagbabalita ng gobernador.

Aminado si Gov. Singson na posibleng malugi sila sa naturang event, “Malaki talaga ang halagang $12-M. Baka nga lugi pa kami riyan e, dahil malaki ‘yan, dollars pa. Pero marami naman kaming katulong tulad ng malalaking hotels. ‘Yung mga casino, apat na ang nakausap ko.

“Pumayag na silang lahat, including na riyan ‘yung accommodation ng candidates. Of course, inaasahan na nating malulugi pero ang mahalaga, maraming puwedeng pumasok na negosyo rito mula sa iba’t ibang bansa,” giit niya.

Ibinalita ni Singsong na okey na rin ang gagamiting mga eroplano, mga bus, at iba pang form of transportation, bukod pa sa ilalaang security sa lahat ng involved sa Miss Universe pageant.

Ipinakita ni Gov. Singson ang retrato ng Italian made na yate na gagamitin din ng mga kandidata. Ito ang magdadala sa Miss Universe candidates sa Vigan o sa Davao na posibleng bisitahin ng beauty queens all over the world.

Ani Singson, nais lang nilang tulungan ang administrasyong Duterte na magtagumpay sa mga plano sa Filipinas, lalo ang pag-ahon sa kahirapan ng mga Pinoy.

ni Maricris Valdez-Nicasio

About Maricris Valdez Nicasio

Check Also

SM Fire Volunteers 1

BFP, DILG, and SM Prime empower communities through 1st fire volunteers assembly

In a demonstration of its commitment to community safety, the Bureau of Fire Protection (BFP) …

E-Sim TNT

Pag-order ng E-Sim ng TNT mas pinadali at pinabilis

MAGANDANG balita sa mga TNT subscriber dahil mas pinadali nila ang paraan para maka-order ng e-SIM, ito’y …

Krystall Herbal Oil

Kahit agrabyado sa imported rice
MAGSASAKA KALMADO SA KRYSTALL HERBAL OIL

Mahal naming Sis Fely Guy Ong,          Ako po si Gualberto Estopace, 62 anyos, isang …

Toni Gonzaga Alex Gonzaga Aqua Planet Resort

Toni ipinasara resort sa Pampanga

MATABILni John Fontanilla SOBRANG saya ng naging bonding ng Gonzaga sisters na sina Toni at Alex gayundin ng ibang miyembro …

Rhea Tan BB Pilipinas 2024 Beautederm

Beautéderm founder Rhea Tan pinagtibay partnership sa Bb. Pilipinas

PAGKATAAN ng matagumpay na partnership last year, masayang inanunsiyo ng Beautéderm founder na si Rhea Tan ang panibagong partnership …

Leave a Reply

Your email address will not be published. Required fields are marked *