3 itinumba sa Tacloban airport iniugnay sa drugs

TACLOBAN CITY – Patuloy ang imbestigasyon ng pulisya kaugnay sa pagpatay sa tatlo kato sa DZR Airport sa siyudad ng Tacloban nitong Biyernes ng umaga.

Tadtad ng mga tama ng bala sa katawan ang tatlong biktimang hindi pa nakikilala.

Ayon kay Senior Supt Rolando Bade, hepe ng Tacloban City Police Office (TCPO), ang mga biktima ay isang babae, isang lalaki at isang miyembro ng LGBT.

Hindi pa malaman kung sino ang suspek sa nasabing insidente.

Inaalam pa ng mga awtoridad kung may kinalaman sa ilegal na droga ang pagpatay sa mga biktima dahil may nakitang karton na nakasabit sa mga bangkay na may nakasulat na “Drug pusher ako, ‘wag tularan.. Lord Patawad.”

DRUG PUSHER TODAS SA SHOOTOUT SA RIZAL

BINAWIAN ng buhay ang isang hinihinalang tulak ng droga makaraan makipagbarilan sa mga pulis sa buy-bust operation kamakalawa ng gabi sa Brgy. Tanay, Rizal.

Kinilala ni Chief Insp. Bartolome Marigondon, chief of police, ang napatay na si alyas Charlie, residente ng Binangonan, Rizal. (ED MORENO)