PATAY ang isang ginang makaraan pasukin at pagsasaksakin ng hinihinalang miyembro ng akyat-bahay sa Caloocan City kahapon ng umaga.
Kinilala ang biktimang si Pinky Joy Nerona, 35, school registrar at residente ng 361 Tomas St., Brgy. 162, Sta. Quiteria ng nasabing lungsod.
Patuloy ang imbestigasyon ng mga awtoridad upang matukoy ang pagkakilanlan ng suspek.
Ayon sa ulat, dakong 6:20 am nakita ng isang Michael, kaibigan ng biktima, ang ginang na duguan habang nakahandusay sa loob ng kanyang bahay.
Agad niyang ipinaalam ang nasaksihan sa mga kaanak ng biktima na agad pinuntahan ang bahay at laking gulat nang makita ang ginang na wala nang buhay.
Ang biktima ay tadtad ng saksak sa katawan at nawawala ang telebisyon at cellphone ng ginang.
( ROMMEL SALES )
