Monday , July 4 2022
dead gun police

Mag-utol niratrat 1 patay, 1 sugatan

PATAY ang isang lalaki habang sugatan ang isa pang biktima sa magkapatid na hinihinalang sangkot sa ilegal na droga makaraan pagbabarilin ng dalawang hindi nakilalang mga suspek sa labas ng kanilang bahay kamakalawa ng gabi sa Caloocan City.

Hindi na umabot nang buhay sa Manila Central University (MCU) Hospital ang biktimang si Arthur Tabaquero, 43, ng Alaska St., Brgy. 151, habang ang kapatid niyang si Danilo, 39, ng nasabing lugar, ay nilalapatan ng lunas sa pagamutan.

Ang mga biktima ay nauna nang sumuko sa pulisya kaugnay sa “Oplan Tokhang” upang magbagong buhay na.

( ROMMEL SALES )

2 TULAK ITINUMBA

BUMULAGTANG walang buhay ang dalawang lalaking hinihinalang tulak ng ilegal na droga makaraan pagbabarilin ng hindi nakilalang mga suspek sa magkahiwalay na lugar sa Caloocan City kahapon ng madaling-araw.

Sa ulat nina SPO2 Eduardo Tribiana at PO3 Edgar Manapat, dakong 3:30 am, sakay ng bisikleta si Hernie Feliciano, alyas Balong ng P. Jacinto St., Brgy. 86, nang harangin siya ng armadong suspek at siya ay pinagbabaril hanggang sa mapatay.

Samantala, dakong 1:00 am habang naglalakad sa Durian St. si Gerald Aveno, 27, ng Nicdao Compound, Sampaloc St., Reparo, Brgy. 178, Camarin, nang biglang sumulpot ang dalawang lalaking lulan ng motorsiklo at siya ay pinagbabaril na nagresulta sa kanyang pagkamatay.

( ROMMEL SALES )

2 PATAY SA SHOOTOUT  SA POT SESSION

PATAY ang dalawa sa tatlo katao na aarestuhin sana ng mga elemento ng San Nicolas Police Community Precinct ng Manila Police District (MPD), nang makipagbarilan sa mga pulis makaraan maaktohan sa pot session sa Binondo, Maynila kamakalawa.

Agad binawian ng buhay ang mga nasa watchlist ng pulisya na sina Dennis Ragub, alyas Buwaya, 35; at Frank Bural, alyas Panke, 29, kapwa ng 786-B Sevilla St. Binondo, Maynila.

Habang nakatakas ang isa pang  kasama ng mga suspek na hindi pa nakikilala.

( LEONARD BASILIO )

3 DRUG PERSONALITY UTAS SA RATRAT

PATAY ang tatlong hinihinalang sangkot sa droga makaraan pagbabarilin ng hindi nakilalang mga suspek na lulan ng motorsiklo sa magkahiwalay na insidente sa Pasay City kahapon.

Kinilala ng pulisya ang mga napatay na sina Redentor Manalang, 50; Michael Siaron, 30; at Ryan Alfred Esquivel, 33-anyos.

Ayon sa ulat, dakong 9:30 pm nang pagbabarilin si Manalang sa Zamora St. at Protacio St., Pasay City.

Habang bandang 12:45 pm kahapon nang pagbabarilin si Siaron sa panukulan ng EDSA at Rotonda sa nabanggit ding lungsod.

Si Esquivel ay pinagbabaril ng riding in tandem dakong 12:55 am kahapon sa Leveriza St., Brgy. 21, Zone  3 ng naturang lungsod.

( JAJA GARCIA )

About Rommel Sales

Check Also

Lani Cayetano Alan Peter Cayetano Taguig 1

Panunumpa sa tungkulin sa Taguig City

MASAYANG nanumpa si Taguig City Mayor Lani Cayetano kay Hon. Judge Antonio Olivete sa pormal …

Ruffy Biazon Muntinlupa oathtaking 1

PORMAL na nanumpa ang bagong chief executive ng Muntinlupa City

PORMAL na nanumpa ang bagong chief executive ng Muntinlupa City na si Mayor-elect Ruffy Biazon …

Mel Aguilar April Aguilar Las Piñas Feat

Mel at April Aguilar nanumpa sa kanilang tungkulin si Las Piñas City

SABAY na nanumpa sa kanilang tungkulin si Las Piñas City Mayor Imelda “Mel” Aguilar at …

Para sa surgical mission sa Bohol Eye doctors inilipad ng Cebu Pacific

Para sa surgical mission sa Bohol Eye doctors inilipad ng Cebu Pacific

INIHATID ng Cebu Pacific Air sa lungsod ng Tagbilaran, sa lalawigan ng Bohol noong nakaraang …

Bongbong Marcos BBM

Pagbasura sa DQ kay Marcos ‘di nakapagtataka – Makabayan

HINDI, umano, nakapagtataka ang desisyon ng Korte Suprema na ibasura ang mga petisyon na idiskalipika …

Leave a Reply