IPINAGBAWAL ni Pangulong Rodrigo Duterte sa lahat ng ahensiya ng gobyerno na tawagin siyang “His Excellency.”
“(T)he President shall be addressed in all official communications, events, or materials as PRESIDENT RODRIGO ROA DUTERTE only, and without the term ‘His Excellency,’” ayon sa inilabas na memorandum ni Executive Secretary Salvador Medialdea.
Iniutos din ng Pangulong Duterte na “Secretary” lang ang itawag sa lahat ng miyembro ng gabinete imbes “Honarable.”
Puwede lamang nilang gamitin ang “Honorable” sa mga pinuno ng mga tanggapan sa internal communications nila.
Ikinatuwiran ni Presidential Spokesman Ernesto Abella, gusto ng Pangulo na maging simple lang ang komunikasyon sa gobyerno.
“In keeping with his populist Presidential style, he encourages less s‘ceremonial’ communications,” ani Abella.
ni ROSE NOVENARIO
