BINAWIAN ng buhay ang isang pinaniniwalaang drug pusher sa isinagawang buy-bust operation ng mga operatiba ng Station Anti-Illegal Drugs ng Manila Police District sa Sta. Cruz, Maynila kamakalawa ng gabi.
Kinilala ang napatay na si alyas Loloy, residente sa panulukan ng Elias at Antipolo streets, sa riles ng PNR sa Sta. Cruz, Maynila.
Sa ulat ni PO3 Michael Maraggun ng MPD-Homicide Section, dakong 9:45 pm nang maganap ang insidente sa nabanggit na lugar habang isinasagawa ang buy-bust operation.
Mismong ang hepe ng SAID na si Chief Insp. John Guiagui, ang nakabaril sa nasabing suspek.
( LEONARD BASILIO, may kasamang ulat nina Joana Cruz at Kimbee Yabut )
