HABANG umeere ang Cristy Ferminute noong Huwebes ay nakatanggap ang aming co-anchor na si Pilar Mateo ng text message mula kay Melanie Marquez. Pauwi-uwi na lang kung may mahalagang commitment sa bansa si Ineng (tawag kay Melanie) na nakabase sa Salt Lake City, Utah kasama ang asawang si Adam Lawyer at mga anak.
Ayon sa text message ng dating beauty queen, humihiling siya ng panalangin na sana raw ay malampasan niya ang pinagdaraanang pagsubok sa kanyang buhay may-asawa.
Nagtatanungan tuloy kami ni Tita Cristy, may matindi bang problema sina Melanie at Adam? Bakit taimtim na dasal ang kahilingan ni Ineng, malala na ba ang problemang ‘yon that may cause their separation?
Para sa mga showbiz friends ni Melanie, they can only wish na maitawid sana nito ang kanyang marital problem (although we have yet to get the details) considering na for sure, pinangarap na niyang tumanda sa piling ni Adam.
Sa mga nakaaalam, naging bahagi ng makulay na lovelife ni Melanie si dating Senator Lito Lapid, actor-producer Derek Dee, isang Arabo hanggang sa natagpuan na niya si Adam.
HOT, AW! – Ronnie Carrasco III
