Wednesday , July 17 2024

Mapua target solo liderato

IKATLONG sunod na panalo at solo liderato ang habol ng Mapua Cardinals kontra Lyceum Pirates sa 92nd NCAA Men’s Basketball Tournament mamayang 4 pm sa The Arena sa San Juan.

Puntirya naman ng Arellano Chiefs ang ikalawang tagumpay laban sa College of St, Benilde Blazers sa unang laro sa ganap na 2 pm.

Ang Cardinals ni coach Atoy Co ay nagwagi sa unang dalawang laro kontra sa Jose Rizal Heavy Bombers (74-71) at College of St. Benilde (78-68).

Ang Cardinals ay pinamumunuan ni Allwell Oraeme na noong isang taon ay naparangalan bilang Rookie of the Year, Defensive Player of the Year at Most Valuable Player. Kontra JRU, si Oraeme ay nagtala ng 24 puntos at 17 rebounds. Laban sa St. Benilde, siya ay gumawa ng 17 puntos at 21 rebounds kahit na may trangkaso.

Si Oraeme ay sinusuportahan nina  Exeqiel Biteng, Joseph Emmanuel Eriobu Jr., Andrew Estrella, Darell Shane Menina at Carlos Isit.

Ang Lyceum Pirates, tulad ng St, Benilde Blazers, ay wala pang panalo sa dalawang laro.

Ang Pirates ni coach Topex Robinson ay pinangungunahan nina Mike Harry Nzeusseu, Shaq Alanes, Wilson Baltazar, Jebb Bulawan at Joseph Angelo Gabayni.

Ang Arellano Chiefs ni coach Jerry Codinera ay nagwagi kontra sa  Perpetual Help Altas , 83-78 noong Linggo.

Kontra sa Altas, ang Chiefs ay nakakuha ng 27 puntos at pitong rebounds buhat sa Singapore Southeast Asian Games veteran na si Jiovanni Jalalon. Nagdagdag ng 14 puntos si Kent Salado.

Ang iba pang inaasahan ni Codinera ay sina Dioncee Holts, Zach Nichols at Donald Gumaru.

Ang Blazers ni coach Gabby Velasco ay sumasandig kina JJ Domingo, Pons Saavedra, Christian Fajarito, Carlo Michael Young at Mustapha Yankie Haruna.

( SABRINA PASCUA )

About Sabrina Pascua

Check Also

National University NU Lady Bulldogs SSL National Invitationals

NU Kampeon sa SSL National Invitationals

IGINAWAD nina Philippine Sports Commission (PSC) Commissioner Fritz Gaston at Vicente Gregorio President/CEO ng Shakey’s …

PBA draft 2024 Justine Baltazar

Justin Baltazar, no.1 pick sa PBA Season 49 Draft

PINILI ng Converge Fiberxers team si Justine Baltazar, 27 anyos, 6-foot-9 UAAP Champion noong 2016, …

Shakey’s Super League National Invitational inilunsad

Shakey’s Super League National Invitational inilunsad

INIHAYAG ni Vicente L. Gregorio, Shakey’s Pizza Asia Ventures Inc. (SPAVI) President/CEO (may mikropono) ang …

Tristan Jared Cervero Chess

Cervero naghari sa Marikina chess tournament

Marikina City — Naghari si Tristan Jared Cervero, isa sa mga nangungunang manlalaro ng Ateneo …

Jan Emmanuel Garcia Xiangqi

ADMU chess team program Head Jan Emmanuel Garcia nanatili sa tuktok ng liderato

Standing After Round 3: (Group B)3.0 points — Jan Emmanuel Garcia, Wang Sing, Cai Jiu …

Leave a Reply

Your email address will not be published. Required fields are marked *