This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
MAY nakarating sa ating info, sa pagdating umano ni BI-Commissioner Jaime Morente ay plano niyang linisin ang kagawaran sa unang anim na buwan ng kanyang panunungkulan.
Layon daw ng uupong commissioner na ipatupad ang kautusan ni Incoming President Rodrigo Duterte na isaayos ang madungis na pangalan ng Bureau.
(Sino ba ang dumungis sa bureau?)
Kabilang ang BI sa mga ahensiyang pinangalanan na kilala kung red tape at korupsiyon ang pag-uusapan.
Of course, nangunguna sa listahan ang BIR, Customs, Bucor at iba pa.
May ilang urot, ang nagparating kay incoming BI Comm. Morente sa naganap pinakahuling reshuffle.
Siyempre, may dagdag na gatong ang mga urot at ang ipinagyayabang, balewala rin daw ang mga gagawing midnight appointments and personnel orders dahil lahat ‘yan ay babaguhin sa pagdating ni Commissioner Morente.
Araykupo!
Kaya ‘yung mga nagtiyagang gumapang at nagpalusot ng appointments at personnel orders, sorry na lang kayo guys!
Namnamin n’yong mabuti ang natitirang araw ng pag-angat n’yo. Dahil pagdating ng bagong administrasyon, balikbayan na naman kayo sa pinanggalingan n’yo!
Pustahan tayo kung hindi ito magkatotoo!!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
