This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PERSONAL na nagtungo sa NBI Death Investigation Division ang aktres na si Alma Concepcion para magbigay ng kanyang testimonya sa naganap na Close Up Forever Summer 2016 event na ikinamatay ng lima katao.
Ayon kay Concepcion, nagulat siya dahil ang babata pa ng mga nasa rave party.
Kapansin-pansin aniya ang kakaibang kilos ng ilang dumalo roon tulad nang pagnguya bagama’t walang kinakain o umiikot ang mga mata.
Napaluha si Concepcion nang ikuwento niya ang pag-collapse ng isang babae sa kanyang harapan.
Ipinakita rin ni Concepcion ang cellphone video na kanyang kuha sa concert.
Hindi tuwirang sinabi ni Concepcion kung may nakita siyang bentahan ng droga sa loob ng party venue.
Naroon sa concert si Alma para samahan ang menor de edad na anak at limang iba pa.
Habang sinabi ng kanyang kaibigan na si Atty. Py Caunan na nakakita sila ng mga gumagamit ng inhaler at may mga naka-face mask.
Matatandaan, ipinatawag sina Concepcion at Caunan sa NBI dahil sa magkahiwalay nilang post sa social media tungkol sa concert.
Samantala , dumating din sa NBI ang sinasabing kasintahan ni Bianca Fontejon, isa sa mga namatay sa concert, para magbigay ng salaysay.
