This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
PINABULAANAN ni Budget Sectetary Florencio Abad ang bintang na iniipit ang benepisyo ng 16 abogado ng Public Attorney’s Office (PAO).
Sinabi kahapon ni Abad, hinihintay lang niya ang legal opinion ng Department of Justice (DOJ) dahil may conflict sa interpretasyon ng ilang probisyon ng National Prosecution Service Law na sakop ang kanilang retirement benefits.
Ang 16 abogado ay nagsampa ng damage suit laban kay Abad dahil sa sinasabing pag-ipit sa kanilang retirement benefits.
Tiniyak ng kalihim, ipalalabas ang kabuuan ng lahat ng benepisyo ng 16 abogado sa sandaling maging paborable sa kanila ang opinyon ng DoJ, katulad ng retirement package na ibinibigay sa prosectors at judges sa ilalim ng NAPROS law.
Sinabi ni Abad , kinikilala niya ang hindi matawarang serbisyo ng PAO lawyers sa pagtatanggol nang libre sa mahihirap na mga Filipino at wala aniya siyang masamang motibo para harangin ang P139 milyon kabuuang benepisyong dapat tanggapin ng mga nagsakdal sa kanya.
