Friday , March 29 2024

17-anyos dalagita ‘hiniyot’ ng albularyo

NADAKIP ng mga pulis ang isang albularyo kamakalawa makaraan gahasain ang menor de edad niyang pasyente sa Irosin, Sorsogon.

Ayon sa ulat ng pulisya, nagpakonsulta ang 17-anyos dalagita sa 54-anyos albularyo nang hindi siya datnan ng kanyang buwanang dalaw.

Ayon sa biktima, ipinasya niyang magpatingin sa albularyo dahil sa kakapusan ng pera.

Pang-apat nang pagpunta ng biktimang si Lyka sa bahay ng albularyo na si Benjamin Abarnas nang siya ay gahasain nitong Sabado.

“Pinasok niya ako sa kuwarto. Pinahubad niya ‘yung pantalon ko, pinapikit niya ako and pina-sign of the cross. Tapos ginalaw niya na ako,” salaysay ng biktima.

“May diyos-diyos pa siyang nalalaman; sa demonyo pala ang gawa niya,” dagdag ng biktima.

Sinabi ni Irosin Police chief Edwin Adora, naghahanda na para tumakas ang suspek nang kanilang maaresto.

“Patakas na sana siya mabuti at naabutan namin.”

Itinanggi ni Abarnas na ginahasa niya ang biktima. Idiniing hinilot lamang niya ang tiyan ng dalagita.

Kasalukuyang nag-iimbestiga ang mga awtoridad upang mabatid kung may iba pang ginahasa ang suspek.

9-anyos nene ginahasa sa harap ng 2 kapatid

GINAHASA ng isang 30-anyos lalaki ang 9-anyos batang babae sa harap ng kanyang dalawang kapatid sa kanilang bahay sa Baseco Compound sa Port Area, Maynila nitong Martes.

Kinilala ang suspek na si Aman Aliodin, 30, walang asawa at walang trabaho, residente ng Block 9, Baseco Compound, Port Area.

Ayon sa sa imbestigasyon ni PO1 Jennifer Dela Cruz ng MPD Ermita Station, dakong 2 a.m. nang maganap ang insidente sa bahay ng biktima sa nasabing lugar habang ang kasama lamang ng 9-anyos ay kanyang dalawang kapatid na may gulang na 6-anyos at isang taon gulang na sanggol, habang  wala ang kanilang ate na si Mirriam

Napag-alaman, hinayaan ng mga bata na makapasok ang suspek sa pag-aakalang ang nanay nila ang dumating.

“May kumatok, akala ‘yung nanay nila. Tapos, ginahasa na,” ayon kay Dela Cruz.

Sinasabing hindi nakalabas ng bahay ang dalawang kapatid ng biktima dahil may dalawang taong nakabantay sa labas ng bahay.

Nakahingi lamang ng tulong ang mga bata nang umalis na ang mga lalaki.

Agad nadakip ng mga awtoridad ang suspek sa isinagawang follow-up operation.

About Leonard Basilio

Check Also

Notoryus na wanted holdaper sa NCR, todas sa enkwentro sa Batangas!

Notoryus na wanted holdaper sa NCR, todas sa enkwentro sa Batangas!

NASAWI ang isang lalaki na tinaguriang kilabot na holdaper at akyat bahay na kabilang sa …

Las Piñas Mass Wedding Kasalang Bayan

Sa ika-27 anibersaryo ng Las Piñas
102 COUPLES SABAY-SABAY NA IKINASAL

SA PAGDIRIWANG ng Buwan ng Kababaihan at ika-27 anibersaryo ng pagkakatatag bilang lungsod ang Las …

Buhain Richard Bachmann

Buhain, umayuda sa HB Bills para sa PH Sports

Pinangunahan ni Batangas 1st District Congressman Eric Buhain ang pagtalakay at pagsuri sa mga isinusulong …

Acuzar mapang-asar KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

Acuzar mapang-asar  
KALBARYO NG MARALITA ITINANGHAL SA NHA, DHSUG, PANAGHOY IWINASIWAS NG GRUPONG URBAN POOR

MAHIGIT 300 informal settler families (ISFs) at civil society organizations (CSOs) ang nagtanghal ng Kalbaryo …

PNVF Volleyball

Philippine National Volleyball Federation (PNVF) Under-18 Championship 2024

MAGSISIMULA ang Philippine National Volleyball Federation (PNVF) Under-18 Championship 2024 ngayong linggo simula sa Biyernes …

Leave a Reply

Your email address will not be published. Required fields are marked *