Talunang actor, nakabuntot sa nanalong politiko

YOU win some… And you lose some! Hindi nga biro na pumasok sa mundo ng politika. At kahit pa sabihing namuhunan ka na ng kasikatan sa unang larangang pinasok mo, hindi pa rin ito garantiya na magkakapuwesto ka na sa posisyong tinakbuhan mo.

Para ngang sugal.

Pero hindi naman ‘ata makagagamot na ang pagsusugal ang maging therapy ng isang talunan sa larangang ito lalo at hindi naman masasabing maalwan na maalwan ang buhay nito.

May isa kasing tumakbo sa politika na ilang gabi ng nasilip sa isang casino. Nag-iisa. Pa-pindot-pindot. At nang kalaunan, nakabuntot na raw sa isang nanalong politiko.

Umaasam daw ba na maambunan man lang ng puwesto o maipanlalaro?

Nakaka-sad naman, ha! Not getting any younger na siya. At dapat niya sigurong isabuhay ang mga turo sa Biblia.

 ( Pilar Mateo )