HATAW! D'yaryo ng Bayan hatawtabloid.com
MUKHANG wala ng pag-asang bumalik si Kristine Hermosa-Sotto sa ABS-CBN dahil sa GMA 7 na siya mapapanood.
Kuwento mismo sa amin ng taga-Dos na ilang beses nilang inalok ang dating aktres na magbalik-serye at binanggit din sa amin kung ano-ano ang mga ito pero hindi raw tinanggap at ikinatwiran daw nito na hindi niya kayang mawala ng mahabang oras dahil sa pamilya.
Kaya nagulat kami na tumanggap ng role si Kristine sa GMA 7 na produced ng MZet kasama ang asawang si Oyo Sotto.
Sabagay, produced naman kasi ito ng biyenan niyang si Vic Sotto bukod pa sa kasama niya ang asawa at sa madaling salita, hindi siya pressured magtrabaho sa taping at makauuwi pa ng maaga.
Marami namang followers ang mag-asawa na nagtatanong kung bakit sa GMA 7 muling mapapanood si Kristine bakit hindi na lang daw bumalik sa ABS-CBN na siyang nakadiskubre sa kanya at magpa-handle sa Star Magic?
Mukhang hindi nagustuhan ni Oyo ang mga pahayag ng netizens dahil sinagot niya na hindi pa man sila ikinakasal ng aktres ay wala ng kontrata sa Star Magic ang asawa.
Hmm, so totoo pala na si Oyo ang may ayaw na magbalik-serye sa Dos si Kristine?
FACT SHEET – Reggee Bonoan
