Badjao Girl at Carrot Man, bagay na loveteam
SINASABI na kung may tao kang gusto mong siraan, gamitin mo ang social media. Kapag nagiging viral ang larawan o video na ipi-nost, maaaring life changing ito ng iyong subject.
Kagaya ngayon, sino ba ang mag-aakala na ang isang 13 years-old na Badjao na namamalimos karga-karga ang nakababatang kapatid sa isang piyesta ay magiging instant celebrity? Siya si Badjao Girl o Rita Gaviola ng Lucena City.
Naging viral sa social media ang kuha sa kanya ng isang Pinoy tourist, marami ang nagka-interes sa kanyang maamong mukha at ngayon ay kinuha na si Rita ng isang artist management company, ang Power Casting Management ni Jerome Navarro at ilang linggo o buwan pa mula ngayon ay baka masilayan na siya sa mga TV show, commercial, at baka maging sa pelikula.
Bago kinuha ng Power Casting Management si Rita ay na-feature muna siya sa Rated K ni Korina Sanchez. Tinulungan din siya ni Korina, binigyan ng trabaho ang kanyang mga magulang sa lokal ng Lucena at binigyan ng scholarship ng Rated K na dapat ay huminto na siya sa panlilimos.
Sayang at nahuling mag-viral si Rita at huli siyang na-meet ni Korina. Kung na aga-aga sana, baka nakatulong si Rita sa kandidatura ni Mar Roxas. ‘Di ba kasi ang mga Pinoy masyadong emosyonal.
Anyway, hindi na babalikan ni Rita ang panlilimos dahil artista na nga siya.
Sa test photoshoot pa lang kay Rita, artistang-artista na ang dating.
Puwede siyang i-partner kay Carrot Man o kay Jeyrick Sigmaton kung sa GMA 7 siya mapunta pero kung sa ABS-CBN, aba puwede siyang i-love triangle kina Ylona Garcia at Bailey May.
MAKATAS – Timmy Basil
