This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
DINALA sa intensive care unit ng Makati Medical Center si Senator Miriam Defensor Santiago.
Ayon sa statement ng kampo ng senadora, sinabi ng asawa niyang si dating Interior Undersecretary Narciso “Jun” Santiago, Mayo 30 pa nang isinugod nila si Miriam sa ospital dahil sa komplikasyon sa lung cancer.
Ngunit tiniyak niyang walang dapat ikabahala sa kondisyon ng outgoing senator.
Sa katunayan nga raw, nagagawa pa rin magbiro at magpatawa ng senadora.
“Jun said that Miriam is bearing well with her trademark sense of humor,” bahagi ng statement.
Matatandaan, sa sulat na ipinadala kay Senate President Franklin Drilon noong Mayo 24, sinabi ng senadora na tuloy ang kanyang medical leave dahil sa kanyang sakit na cancer.
Nakararanas din daw siya ng anorexia dahilan upang humina ang kanyang katawan.
