This site uses cookies for analytics and to improve your experience. By clicking Accept, you consent to our use of cookies. Learn more in our privacy policy.
KAMAKAILAN nabasa natin sa pahayagan ang nangyari sa dating presidente ng Taiwan na si Ma Ying-jeou.
Binuksan na ang katakot-takot na kasong isinampa laban kay Ma, pagkababang-pagkababa niya sa puwesto nitong Biyernes.
Opisyal na kasing umupo bilang bagong presidente ng Taiwan si Tsai Ing-wen bilang unang babaeng leader na nanalo nang landslide sa kanilang eleksiyon nitong Enero. Siya ay mula sa Democratic Progressive Party (DPP).
Si Ma ay inihalal ng kanyang mga kababayan noong 2008 dahil sa kanyang Mr. Clean image pero nasangkot sa iba’t ibang eskandalo gaya ng pagkakalat ng political secrets at bigong ideklara ang kanyang mga asset.
Ang sinundan ni Ma na si Chen Sui-bian ng DPP rin ay kasalukuyang nakakulong dahil sa corruption.
Ganyan po sa Taiwan. Agad sinasampahan ng kaso ang mga tiwaling leader para papanagutin. Pero sa kanila ay walang ‘hospital arrest.’
Hindi gaya rito sa Philippines my Philippines, ang mga lider na sinasampahan ng kaso ay biglang nagkakasakit at imbes sa bilangguan ay sa ospital nakukulong.
Sa nalalapit na pagbaba sa puwesto ni PNoy, marami nagsasabing sandamakmak na rin ang kasong isasampa laban sa kanya.
Kumbaga, kung ano ang ginawa niya kay PGMA, ay mauulit rin sa kanya.
Ang kanya kayang ‘Matuwid na Daan’ ay dumiretso patungo sa kulungan?!
Arayku!
[divider]
Para sa mga reaksiyon, suhestiyon, reklamo at sumbong, magtext sa 0926.899.91.27 o mag-email sa [email protected]. Para sa mga nakaraang isyu ng BULABUGIN please visit https://hatawtabloid.com
