HATAW! D'yaryo ng Bayan hatawtabloid.com
WALANG katotohanang lilipat si Enchong Dee sa GMA 7 dahil may bagong teleserye siyang gagawin sa ABS-CBN 2kasama sina Bea Alonzo, Ian Veneracion, Iza Calzado, at Julia Barretto.
Muling pagsasama ito ng magkaibigang Enchong at Bea pagkatapos ng Magkaribal noong 2010.
Hindi mapasusubalian ang friendship ng dalawa. Malaki ang tiwala ni Bea kay Enchong at puwede silang mamasyal out of the country na hindi nabibigyan ng malisya.
Kung titingnan mo raw si Bea ay parang hindi malapitan, parang unreachable, dahil sobrang successful, parang ang bango at sobrang ganda. Pero noong magkasama sila sa Singapore, sobrang baligtad sa perception niya.
“She’s basically like a family to me,” sambit ni Enchong.
Isa pang friend ni Enchong ay ang dating ka-loveteam na siErich Gonzales. Pakiramdam niya ay mukhang sure na sure na sina Erich at Daniel Matsunaga sa isa’t isa. Bagamat wala pa naman plano na magpakasal ang dalawa, malaki raw ang posibilidad na hindi ito mangyayari sa Pilipinas.
Talbog!
TALBOG – Roldan Castro
